Mercury

Wiktionary طرفان
Jump to navigation Jump to search
                        عطارد  Mercury

عطارد نظام شمسي ۾ سج جي ويجهو ترين ۽ مڙني گرھن کان ننڍي ۾ ننڍو سيارو آھي، ھن جو قطر 4879 ڪلو ميٽر آھي. سج جي ويجهو ۽ ننڍو گره ھئڻ سبب عطارد کي عام اک سان ڏسڻ ڪجھ مشڪل آھي پر ان ھوندي به ھن کي سج اڀرڻ کان پھريان اوڀر طرف ۽ سج لھڻ دؤران اولھ طرف ڏسي سگهجي ٿو. عطارد سج جي چؤڌاري 88 ڏينھن ۾ چڪر پورو ڪري ٿو. سج جي ويجهو ھئڻ سبب ھي زمين جي مقابلي سج کان ستوڻ تي زياده روشني وصول ڪري ٿو، سج جي طرف رخ ڪندي ھن جو گرمي درجو °400 سينٽيگريڊ کان وڌي وڃي ٿو جڏھن ته ان جي برعڪس اونداھو حصو ڪاٽو °180- تائين سرد ھجي ٿو. عطارد کي ڪو به اپگره (چنڊ) نه آھي، تحقيق مان معلوم ٿيو آھي ته ھن گره جي ٻاھرين سطح وڏن وڏن کڏن سان ڀري پئي آھي ۽ ھتي آتشفشان ڦاٽڻ ۽ زلزله نمودار ٿيڻ عام آھن. زمين جي نسبت ڪافي ننڍو سيارو ھئڻ سبب هن جي ڪشش ثقل به تمام گهٽ آھي. ھن جو مدار زمين جي نسبت ٽيڙھو آھي ان ڪري ڪڏھن ڪڏھن ئي سج، عطارد ۽ زمين خلا ۾ آمهون سامهون ايندا آھن. مرڪيوري گره تي وڌ کان معلومات حاصل ڪرڻ لاء فلقيات جي ماھرن طرفان خلائي جهازن ذريعي 75- 1974, 2004 ۽ 2015 ۾ ھن گره جي ويجهو وڃي تحقيق ڪئي پئي وڃي. ھن گره تي نه پاڻي آھي ۽ نه ئي وري فظا، ھتي گرمي پد يا ته انتهائي گهڻو آھي يا وري منفي، انڪري ھتي زندگي جا ڪي به نشان موجود نه آھن.

تحرير: ياسر منگي رتوديرو