ڪاتري نه کڙڪائي، نوريئڙو جاڳئي ٿو

هي پهاڪو هڪ آکاڻيءَ تي ٺهيل آهي، آکاڻيءَ موجب هڪ ڏائڻ هڪ نوريئڙي کي ريجهائي پنهنجو ڀاڻيجو بڻائي پنهنجي گهر وٺي آئي. ڏائڻ جو ارادو هو ته رات جو نوريئڙو جڏهن سمهي رهندو ته کيس ماري کائي ڇڏيندي. نوريئڙو جڏهن ڏائڻ جي گهر پهتو ته کيس ڏائڻ جي نيت سمجهه ۾ اچي وئي. تنهنڪري سڄي رات نوريئڙي ننڊ نه ڪئي ۽ جاڳندي هر وقت پاڻ کي چتاءُ پئي ڏنائين، ”ڪاتري نه کڙڪائي، نوريئڙو جاڳئي ٿو.“ ٻئي ڏينهن صبح جو اُهو نوريئڙو پنهنجي جان بچائي ڏائڻ جي گهر مان ڀڄي نڪتو. هن آکاڻيءَ مان ئي هن چوڻي جو مقصد سمجهه ۾ اچي ٿو ته جيڪڏهن هڪ ڌُر دشمن ڌرُ کي اها ڳالهه ٻڌائيندي رهي ته اوهان ڀلي تياري ڪندا رهو، پر اسين به جاڳون پيا ۽ سجاڳ آهيون. يعني ”ڪاتري نه کڙڪائي، نوريئڙو جاڳئي ٿو.“