وڪيغت:دوران دماغ ٿڌو رکڻ

Wiktionary طرفان
Jump to navigation Jump to search

جيڪڏهن اوهانجي ڪيل ڪم کي ڪو ٻيو دوست اچي ترميمي ٿو ۽ اهڙي ترميم سان اوهان بلڪل متفق نه آهيو ته اوهانکي جذباتي هرگز ٿيڻ نه گھرجي ڇاڪاڻ ته هي صفحا سڀني فردن لاءِ هڪجهڙي اهميت جا حامل آهن انڪري هر ڪنهن کي پورو پورو حق حاصل آهي ته انهن ۾ پنهنجي سمجھه آهر ترميمون ڪري، پر اهو نه وسارڻ گھرجي ته هر فرد ٻولي جو ڪو ماهر ناهي تنهنڪري ضروري ڪونهي ته کيس ٻوليءَ جي مڪمل ڄاڻ هجي، ٿي سگھي ٿو ته سندس ڄاڻ اهڙي علاقائي هجي جو ان جو علم ڪتابن ۾ نه هجي ۽ اهڙا ٻيا به ڪيترائي سبب ٿي سگھن ٿا جن جي ڪري ڪو فرد ڪنهن صفحي کي ترميمي ٿو. پر جيڪڏهن اوهان اڃا به سمجھو ٿا ته ڪيل ترميم بلڪل غلط آهي ته ان صفحي جي ڊسڪشن ۾ پنهنجا دليل لکو ۽ انهن جي بنياد تي صفحي کي رد يا ترميم ڪرڻ جو پڻ لکو، جيڪڏهن هڪ هفتي جي اندر اوهانکي ڪو معقول جواب ملي ٿو ته ٺيڪ آهي ٻي صورت ۾ انکي ميساري اوهان پنهنج مضمون لکو، پر هتي سنجيده رهڻ تمام ضروري آهي ڇاڪاڻ ته هي ڪنهن فرد واحد جو ڪم ڪونهي بلڪه هي گڏيل قومي ڪم آهي سو اسان ۽ اوهانکي گھرجي ته نون ايندڙ دوستن جي ڪيل ڪم کي واکاڻي سندن حوصله افزائي ڪريون ته جيئن هي ڪم پنهنجي جوڀن سان جاري رهي.