جهرڪي

سنڌي

بُڻڀياسُ

اسم

جهرڪي هڪ اهڙو پکي آهي، جيڪو پنهنجي فطرت ۾ سڀ کان وڌيڪ سرگرم ڏسڻ ۾ اچي ٿو. هيءَ ڏاڍي ذهين ۽ کليل حواس رکندڙ آهي. هي ڏاڍي حساس ٿئي ٿي ۽ پنهنجي ڀر ڀر پاسي ۾ ٿيندڙ هر قسم جي چرپر کي جلدي ئي محسوس ڪري وٺي ٿي. هيءَ هڪ ئي وقت پنهنجا سڀئي حواس استعمال ڪري سگهڻ جي صلاحيت رکي ٿي. هن پکيءَ جو شمار ڪجهه اهڙن ٿورن پکين ۾ به ٿئي ٿو. جيڪي مٽي ۾ ليٽي پر ڦڙڪائي وهنجي به سگهن ٿا. هي پاڻي ملڻ جي صورت ۾ پاڻي جي سطح تي لهي پر ڦڙڪائي به وهنجي سگهندي آهي . پر جيڪڏهن ڪٿي هن کي پاڻي نه ملندو آهي ته هو مٽي ۾ پر ڦڙڪائي به وهنجڻ جي صلاحيت رکي ٿي. جھرڪيون: چئوماسي جي موسم کان اڳ ۾ يا چئوماسي جي موسم جي شروعات ۾ ڪٿي به جھرڪيون واري ۾ ويهي پر پکيڙي کنڀ ڦڙڪائين ۽ ڌوڙ اڏائين ۽ وهنجڻ جو سانگ ڪن ، ته اهو برسات اچڻ ۽ سڪار جو اهڃاڻ سمجهيو وڃي ٿو.

ترجما

اَنگِريزِي:Sparrow