آفريڪي پھاڪا

هي پهاڪا ۽ چوڻيون گهڻو ڪري آفريڪا جي، سوماليا، ماريطانيا، موراڪو، سوڊان، گهانا، سينيگال ۽ نائجيريا ملڪن واري پاسي ڪتب اچن ٿيون.

• ڪنهن ڪتي سان دوستي ٿي وڃڻ جو اهو مطلب ناهي ته لٺ ڀڃي ڇڏجي.

• ماکيءَ ۾ هٿ وجهڻ وارو، آڱريون چٽڻ تي مجبور ٿئي ٿو.

• بيوقوف جي دل هن جي وات ۾ هوندي آهي ۽ عقلمند جو وات هن جي دل ۾.

• ڀاڄوڪڙ ڪتي کي ڏنڊو وهائي ڪڍڻ سولو آهي.

• پيٽ ڀرجڻ کانپوءِ جيڪو کائي ٿو، اهو پنهنجي قبر ڏندن سان کوٽي ٿو.

• دولتمند ڪتو به ”صاحب“ سڏجي ٿو.

• ان کان وڌيڪ بدنصيب ڪهڙو ماڻهو هوندو، جنهن کي سندس پاليل جانور به ڏاڙهين.

• جن پکين کي ڦاسائڻ چاهيو ٿا انهن کي ته نه ڊيڄاريو.

• ان ڪنجوس جهڙا نه ٿيو، جيڪو دفن ڪرڻ وارن لاءِ سڄي عمر بچائي رکي ٿو.

• بيضي جي ڇا مجال جو پٿرن سان وڙهي.

• اهو ڪتو جيڪو هڏو نٿو وٺي پڪ مئل آهي.

• ٻليءَ کي پنهنجي گهر ۾ شينهن جا ڏند ٿين.